Aqtóbede 19 jastaǵy qyzdyń ómirin qıǵan jol apatyna qatysty jańa derekter shyqty
AQTÓBE. QazAqparat - Aqtóbe 7 shilde kúni bolǵan jol-kólik oqıǵasy kezinde zardap shekken 19 jastaǵy jigit aýrýhanadan shyǵaryldy. Oblystyq ІІD bastyǵynyń orynbasary Ernat Qalıaqparovtyń aıtýynsha, kólikter jolda jaryspaǵan, dep habarlaıdy QazAqparat tilshisi.
«Aqtóbe oblystyq ІІD jol-kólik oqıǵasyna qatysty isti tergeý jumystaryn jalǵastyryp jatyr. Oqıǵa ornynda túrli dene jaraqatyn alǵan 19 jastaǵy jigit aýrýhanada em qabyldap shyqty. Ol qazir emin úıinde jalǵastyrýda. Al dene jaraqatyn alǵan júrgizýshi áli aýrýhanada. Qazirgi kúni kóliktiń tehnıkalyq jaǵdaıyn anyqtaıtyn birneshe saraptama taǵaıyndaldy. Kýágerler men beınekameralardaǵy derekterge súıenip, jol- kólik oqıǵasy kezinde kólikter jaryspaǵanyn anyqtap otyrmyz. Tergeý jalǵasyp jatyr»,- dedi Aqtóbe oblystyq ІІD bastyǵynyń orynbasary Ernat Qalıaqparov. Onyń aıtýynsha, beınekameradaǵy jazbalar birneshe núkteden alynǵan.
Aıta keteıik, eger 19 jastaǵy júrgizýshiniń kinási tolyq dáleldense, ol 5 jylǵa deıin bas bostandyǵynan aıyrylýy múmkin.
Eske salsaq , jol oqıǵasy kezinde qaza bolǵan Sıýzanna Gamıdovanyń apasy Ekaterına Gamıdova bir arta buryn beınekameralarǵa saıabaqtaǵy apattyń túsirilmegeni týraly jazǵan bolatyn. Ol óz betimen káýgerlerden kómek surady.
