Aqtóbede 19 jastaǵy qyzdyń óliminen soń bas dańǵylǵa fotoradar ornatyldy
AQTÓBE. QazAqparat - Aqtóbede Tuńǵysh Prezıdent atyndaǵy ortalyq saıabaqta bolǵan jol-kólik oqıǵasynan soń kóshege fotoradar ornatyldy. Jyldamdyqty ólsheıtin qural buǵan deıin bas dańǵylda bolmaǵan edi, dep habarlaıdy QazAqparat tilshisi.
Aqtóbe qalasynda 7 shilde kúni bolǵan jol-kólik oqıǵasynan soń halyq arasynda shý shyǵyp, 19 jastaǵy Sıýzanna Gamıdovanyń ólimine sebepker bolǵan júrgizýshige qatysty suraqtar týdy. Sol kezde qaza bolǵan qyzdyń apasy Ekaterına Gamıdova aqtóbelik júrgizýshilerden kómek suraǵan bolatyn. Beınematerıaldardy ózi izdedi. Al oblystyq ІІD bastyǵynyń orynbasary Ernat Qalıaqparov kólikter arasynda jarys bolmaǵanyn málimdep, tergeý jumystarynyń jalǵasyp jatqanyn málimdedi. Ótken aptada 19 jastaǵy júrgizýshi aýrýhanadan shyqty.
«Jol-kólik oqıǵasyna qatysty qosymsha saraptama taǵaıyndaldy. Tergeý júrip jatyr. Júrgizýshi qyzdyń qaıda ekenin aıta almaımyz»,- dedi oblystyq ІІD baspasóz qyzmeti.
