Aqtóbede 19 jastaǵy qyzdyń ólimine qatysty is sotqa jiberildi
AQTÓBE. QazAqparat - Aqtóbede Sıýzanna Gamıdovanyń ólimine qatysty qylmystyq is úsh aıdan soń sotqa jiberildi, dep habarlaıdy QazAqparat tilshisi.
Aqtóbe qalasyndaǵy Tuńǵysh Prezıdent atyndaǵy ortalyq saıabaqta jol apaty bolyp, 19 jastaǵy júrgizýshi jaıaý júrginshiler jolyna shyǵyp ketken bolatyn. Oqıǵa ornynda Sıýzanna Gamıdova qaza bolyp, taǵy bir adam aýyr jaraqat aldy. Buǵan deıin habarlaǵanymyzdaı, kúdikti men jábirlenýshi Aqtóbe oblystyq jedel járdem aýrýhanasynda em qabyldady.
19 jastaǵy jábirlenýshige ota jasalyp, keıin ol týǵan jeri Qostanaıǵa jiberildi. Al kúdikti emin jalǵastyryp, oǵan psıhologııalyq kómek kórsetildi. Serýendep júrip saıabaqta qaza bolǵan qyzdyń apasy Ekaterına Gamıdova áleýmettik jeli arqyly kýágerlerdi izdep, tergeý jumystary kezinde kómek kórsetýin surady .
Qazirgi ýaqytta qylmystyq isti tergeý jumystarynyń aıaqtalǵany anyqtalyp otyr. Aqtóbe oblystyq ІІD baspasóz qyzmetkeri Nurgúl Qonaqbaeva tergeý aıaqtalyp, qylmystyq is sotqa jiberilgenin habarlady.
Aıta keteıik, osy oqıǵa boıynsha Qylmystyq kodekstiń «kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý» baby boıynsha is qozǵalǵan bolatyn. 
