Aqtóbede 19 jastaǵy qazaqstandyq tennısshi shırek fınalǵa shyqty

ASTANA. QazAqparat – Qazaqstandyq Aryslanbek Aıtqulov Aqtóbede ótip jatqan ITF World Tennis Tour týrnıriniń shırek fınalyna shyqty, dep habarlaıdy QazAqparat tilshisi.

Qazaqstan tennıs federatsııasynan málim etkendeı, 19 jastaǵy qazaqstandyq sportshynyń ATR reıtıngisinde orny bolmasa da, kútpegen jerden osy jarystyń segizinshi, álemniń 845-raketkasy, japonııalyq Kazýma Kavachıdi utyp ketti.

Qaraǵandy tennıs mektebiniń túlegi azýly qarsylasyn 6:3, 6:3 esebimen tize búktirdi.

Bir saǵattan astam ýaqytqa sozylǵan báseke barysynda Aryslanbek 10 eıs jasap, 3 breık-poıntty túgel paıdalandy.

A.Aıtqulov jartylaı fınalǵa shyǵý úshin Belarýs ókili Aleksandr Bındamen talasady.

Eske sala keteıik, budan buryn Gózal Aınıtdınovanyń Astanadaǵy týrnırdiń ekinshi aınalymyna shyqqanyn jazǵan bolatynbyz.

Sondaı-aq Aleksandr Býblık Indıan-Ýells masters týrnırinde jeńilip qaldy.