Aqtóbede 19 aýyldyq okrýg jáne bir aýyl ákimi saılandy
AQTÓBE. KAZINFORM – Aqtóbeniń 8 aýdanyndaǵy 19 aýyldyq okrýg pen 1 aýyl ákiminiń saılaýy ótti.
Keshe Aqtóbe oblysynyń Áıteke bı, Qobda, Mártók, Oıyl, Temir, Hromtaý, Shalqar, Yrǵyz aýdandarynda saılaý ótti. Aýyl ákimderiniń saılaýy kezinde 8 aýmaqtyq jáne 35 ýchaskelik saılaý komıssııasy jumys istedi. Barlyǵy 20 saılaý okrýgi boıynsha 65 kandıdat usynylǵanymen saılaýǵa 60 kandıdat qatysty. Tirkeýge deıin 2 kandıdat memlekettik qyzmet zańnamasynyń talaptaryna sáıkes kelmedi. Bir kandıdat qujattardy tolyq usynbady. Taǵy bireýi óz erkimen aryz jazyp, kandıdatýrasyn qaıtaryp aldy. Bıýlletender daıyndalǵannan keıin taǵy bireýi kandıdatýrasyn alyp tastaý týraly ótinish berdi.
- Saılanǵan ákimderdiń 15-i memlekettik qyzmetshi, 3-i bıýdjettik sala qyzmetkeri, 2-i kommertsııalyq qurylymdardyń qyzmetkeri. 19-y «AMANAT» saıası partııasynan usynyldy, bireýi ózin – ózi usynýshy. Saılanǵan ákimderdiń ortasha jasy 46, eń kishisi 31 jasta, eń úlkeni 60 jasta,- dep habarlady Aqtóbe oblystyq aýmaqtyq saýlaý komıssııasy.
Aıtyp óteıik, saılanǵan ákimder arasynda 2-3, tipti 15-16 jyldan beri sol aýylda ákim bolyp otyrǵan kandıdattar bar.
Eske salsaq, mamyrda Aqtóbede eki qala men 11 aýyl ákimi saılandy. Saılanǵan 13 ákimniń 10-y memlekettik qyzmetshi, ekeýi bıýdjettik sala qyzmetkeri, bireýi ýaqytsha jumyssyz adam.