Aqtóbede 18 myńnan astam adam revaktsınatsııadan ótti

AQTÓBE. QazAqparat – Aqtóbe oblysy boıynsha 18 myńnan astam adam revaktsınatsııadan ótti. Oblys boıynsha 340 myńnan astam adam vaktsınanyń eki komponentin saldyrdy, dep habarlaıdy QazAqparat tilshisi.

Aqtóbe oblysy boıynsha koronavırýs ınfektsııasyn juqtyrǵan 39 adam ınfektsııalyq statsıonarlarda em alyp jatyr. Onyń 10-y jansaqtaý bóliminde.

«Koronavırýs ınfektsııasyn juqtyrǵan 6 balanyń bári qazir úıinde. Olardan aýrý belgisi anyqtalmady. Sonymen birge úsh júkti kelinshek aýrýhanada jatyr. Barlyq kereýet sany 2729. Qazir onyń 2634-i rezervte. Ázirge ınfektsııalyq statsıonarda 95, reanımatsııada 20 tósek-oryn bar. Infektsııalyq bólimder júktemesi 41%, jansaqtaý bóliminde 50 % qurap otyr»,- dedi oblystyq densaýlyq saqtaý basqarmasy basshysynyń orynbasary Aıgúl Amanjolova. Onyń aıtýynsha, oblysqa búginge deıin 938 myńnan astam vaktsınasy ákelindi. Barlyǵy 340 myńnan astam adam vaktsınanyń eki komponentin de saldyrdy.

«18 myń adam revaktsınatsııadan ótti. Al Pfizer vaktsınasyn 5 myńǵa jýyq adam saldyrdy. Onyń 3 myńnan astamy - jasóspirimder», - dedi Aıgúl Amanjolova.