Aqtóbede 1,8 mln tonna mal azyǵy daıyndalady

AQTÓBE. KAZINFORM – Bıyl 1 jylǵa arnalǵan mal azyǵy daıyndalyp jatyr. Búginde jospar 1,8 mln tonna bolsa, onyń 1,1 mln tonnasy jınaldy. 

Aqtóbe oblysynda 625 myńnan astam múıizdi iri qara, 1,3 mln qoı-eshki men 377 myń jylqy qystaıdy dep josparlanyp otyr. Tórt túlikke qajetti mal azyǵyn daıyndaý úshin bıyl jyldyq qor jınalady. Jospar 1,8 mln tonna bolsa, sharýalar shóptiń kóbin oryp aldy.

– Aýyl sharýashylyǵy maqsatyndaǵy jer kólemi – 27 mln gektar. Onyń 25 mln gektary – shabyndyq. Sonymen birge 460 myń gektardan astam jerde kópjyldyq shóp bar. Búginde 1,1 mln tonna shóp ázirlendi. 4 myń tonna pishendeme de bar. Shóp shabý jumystarynda 2 myń traktor, 5 myńǵa jýyq agregat jumyldyryldy. Aýyl shaýshalyǵy qurylymdaryn qoldaý úshin 1 myń tonna dızel otyny bólindi. Baǵasy naryqtan tómen. Lıtri – 253 teńge, - Aqtóbe oblystyq aýyl sharýashylyǵy basqarmasy mal sharýashylyǵy bólimi basshysynyń mindetin atqarýshy Ermek Ádilbek.

Byltyr Aqtóbede 2,7 mln tonna mal azyǵy ázirlendi. Onyń 280 tonnasy únemdeldi. 

Buǵan deıin habarlaǵanymyzdaı, Aqtóbede 129 myń gektarǵa jýyq jer memleket menshigine qaıtaryldy. Sharýalar men fermerlerge aldyn ala eskertý berip, túsindirý jumysy júrgiziledi. Eger maqsatty ıgermese, memleket qaıtaryp alady.