Aqtóbede 164 mln teńge bıýdjet qarajatyn jalǵan uıym arqyly jymqyrý faktisi anyqtaldy

ASTANA. QazAqparat – Aqtóbede jalǵan uıym arqyly bıýdjet qarajatyn urlaý faktisi anyqtaldy, dep habrlaıdy QazAqparat Qarjylyq monıtorıng agenttigine silteme jasap.

«Aqtóbede JShS atynan jumystardy, qyzmetterdi kórsetýdi jáne taýarlardy jóneltýdi naqty oryndamaı jalǵan shot-faktýralardy jazyp berý faktisi tirkeldi. Oblystyq memlekettik kirister departamentiniń qorytyndysy boıynsha kontragent-satyp alýshynyń bıýdjetke tóleýi tıis shyǵyny 164 mln teńgeden asty.Tergeý barysynda anyqtalǵandaı, atalǵan JShS tirkeýde joq bolyp shyqqan. Al qujat boıynsha basshysy ıÝ.V. Avdonın qazirgi ýaqytta qıyn ómirlik jaǵdaıdaǵy adamdardy áleýmettendirý ortalyǵynda turady jáne seriktestiktiń qarjy-sharýashylyq qyzmetine esh qatysy joq ekenin kórsetti. Sot sheshimimen JShS memlekettik tirkeýi jaramsyz dep tanyldy», - delingen Agenttik habarlamasynda.

Qazir tergeý amaldary júrgizilýde.