Aqtóbede 160 myń gektar jerde shegirtkege qarsy óńdeý jumysy júrgizildi
AQTÓBE. KAZINFORM – Óńirde 424 myń gektar jerde úıirli, 160 myń gektar jerde saıaq shegirtkege qarsy ýlaý jumysy júrgizilýi tıis. Qazir ýlaý jumysy 11 aýdanda júrip jatyr.
QR AShM Agroónerkásiptik keshendegi memlekettik ınspektsııa komıteti Aqtóbe oblystyq aýmaqtyq ınspektsııasynyń basshysy Dastan Saǵyrovtyń aıtýynsha, búginde Qarǵalydan ózge aýdannyń bárinde óńdeý jumysy jalǵasyp jatyr.
- Aqtóbe oblysy boıynsha shegirtkege qarsy ýlaý jumysy 580 myń gektar aýmaqta júrgizilýi tıis. Onyń 424 myń gektary úıirli, 160 myń gektary saıaq shegirtkege qarsy óńdeledi. Búginde 160 myń gektar aýmaqta ýlaý jumysy júrgizildi. Ýlaý jumystary kezinde avıatsııa men drondar da qoldanylyp jatyr. Barlyǵy úsh dron bar. Shalqar, Yrǵyzda dron qoldanyldy, endi Oıyl men Temir aýdandaryna jiberiledi. Kóbine qolaısyz aýmaqqa dron ushyrylady,- dedi QR AShM Agroónerkásiptik keshendegi memlekettik ınspektsııa komıteti Aqtóbe oblystyq aýmaqtyq ınspektsııasynyń basshysy Dastan Saǵyrov.
Inspektsııa aýyl sharýashylyǵy taýaryn óndirýshiler men fermerlerge, turǵyndarǵa úndeý jasady. Zııankesti kórgen kez kelgen adam +7 702 577 67 22 baılanys nómirine habarlasa alady. Onda qaı jerden, jaıylym men aýyl mańynan shegirtke kórgenin aıtyp, aqparat berse bolady.
Eske salsaq, bıyl Qazaqstanda shegirtkege qarsy óńdeý kólemi 900 myń gektarǵa azaıdy. Elimizde 2,2 mln gektar jerdi óńdeý josparlanǵan.
