Aqtóbede 16 600 balany mektepke daıyndaý úshin bir jolǵy áleýmettik kómek beriledi

AQTÓBE. KAZINFORM — Bir jolǵy áleýmettik tólem quny — 46 226 teńge. Bul ár balaǵa beriletin kómek.

Jańa oqý jylynda balalarǵa kıim-keshek pen mektep quraldaryn alý úshin áleýmettik tólem qarastyryldy. Aqtóbe oblysy boıynsha 16 600 balaǵa beriledi. Byltyrǵa qaraǵanda áleýmettik kómek alýshylar sany myń balaǵa qysqardy. 

— Kómek ataýly áleýmettik kómek alatyn, AÁK almasa da jan basyna shaqqandaǵy tabysy kúnkóris deńgeıinen tómen otbasy balalaryna tıesili. Jetim, ata-ana qamqorlyǵynsyz qalǵan balalarǵa, sonymen birge tótenshe jaǵdaı saldarynan zardap shekkender men bilim berý uıymdaryndaǵy qamqorshylyq keńesiniń sheshimi negizinde tańdalǵan otbasy balalaryna beriledi. 46 226 teńge ár balaǵa tıesili. Aqsha ata-analardyń jeke shottaryna túsedi, — dedi Aqtóbe oblystyq bilim basqarmasy basshysynyń orynbasary Nurgúl Bertileýova.

Aıta keteıik, bıyl Aqtóbede 190 bala mektepte bilim alsa, onyń 19 myńnan astamy 1-synypqa barady. 

Jańa oqý jylynda 6 mektep qoldanysqa beriledi. Onyń tórteýi «Keleshek mektepteri» jobasy aıasynda salynǵan mektep bolsa, ekeýi jeke.