Aqtóbede 15 jastaǵy qyzben jynystyq qatynasta bolǵan bozbala bostandyqqa shyqty
AQTÓBE. QazAqparat - Kámelet jasqa tolmaǵan aqtóbelik bozbala 15 jastaǵy qyzben jynystyq qatynasqa túsip, sottaldy. Búgin onyń jaza merzimi jeńildep, bostandyqqa shyqty, dep habarlaıdy QazAqparat tilshisi.
Aqtóbe oblysynyń qylmystyq ister jónindegi mamandandyrylǵan aýdanaralyq sotynda kámeletke tolmaǵan T-ǵa qatysty qylmystyq is qaraldy. Іs materıalyna súıensek, sottalýshy T. 15 jastaǵy A-men birneshe ret jynystyq qatynasqa túsken. Sottalýshy T-nyń kinási óziniń jáne jábirlenýshi A-nyń sotqa deıin tergep-tekserý kezindegi jaýabymen, jábirlenýshiniń zańdy ókiliniń, kýálar men sarapshylardyń jaýabymen, saraptama qorytyndysymen tolyq dáleldendi.
Prokýror sottan T-ny 5 jylǵa bas bostandyǵynan aıyrý jazasyn taǵaıyndaýdy surady. Sot 3 jylǵa bas bostandyǵanan aıyrý jazasyn taǵaıyndady . Al búgin sottyń appelıatsııalyq sheshimi shyqty.
«Aqtóbe oblystyq soty Qylmystyq kodekstiń 122-baby 3-bóligi 1-tarmaǵymen sottalǵan T- ǵa qatysty qylmystyq isti apellıatsııalyq tártippen qarady. Sot alqasy T-nyń kámeletke tolmaǵanyn, onyń ókinetinin, jeke-basyn, jábirlenýshi men onyń zańdy ókiliniń pikirlerin eskerdi. Sol sebepti sot T-ǵa 1 jyl 6 aı bas bostandyǵyn shekteý jazasyn taǵaıyndady jáne ony qamaýdan bosatty», - dep habarlady Aqtóbe oblystyq sotynyń baspasóz qyzmeti.
Bostandyqqa shyqqan aqtóbelik bozbalany anasy kútip aldy. Bozbala óz rızashylyǵyn bildirdi.
