Aqtóbede 15 atys qarýy tárkilendi
Aqtóbede «Qarý» jedel aldyn alý sharasy ótti. Onda 15 qarý (sonyń ishinde oıyq-1, tegis uńǵyly-12, gazdy-1, elektrli-1) zańsyz aınalymnan alyndy. Sondaı-aq 47 dana sýyq qarý (pyshaq) tárkilendi.
«Tekserý barysynda barlyǵy 143 ákimshilik quqyq buzýshylyq anyqtaldy. Onyń ishinde qarýdy zańsyz saqtaǵany úshin – 13, qarýdy saqtaý jáne alyp júrý erejelerin buzǵany úshin – 83 jáne qarýdy qaıta tirkeýdi buzǵany úshin – 47. Mysaly polıtsııa qyzmetkerleri shara barysynda Mártók aýdanynyń 45 jastaǵy turǵynynyń úıinen zańsyz saqtalǵan markasy belgisiz myltyq taýyp, tárkiledi. Er adamnyń aıtýy boıynsha, myltyqty qamys arasynan tapqan. Saraptama taǵaıyndaldy. Tergeý amaldary júrgizilip jatyr», - dedi oblystyq PD baspasóz qyzmetiniń jetekshisi Erbolat Sarqulov.
