Aqtóbede 14 jastaǵy qyzdy zorlaýy yqtımal kúdiktiler úıqamaqqa alyndy
AQTÓBE. KAZINFORM – Aqtóbede 14 jastaǵy qyzdy týystary birneshe jyl boıy zorlap keldi degen kúdikpen qylmystyq is qozǵaldy. Tergeý soty kúdiktilerdi úıqamaqqa jiberýge sheshim qabyldaǵan.
Áleýmettik jelide qoǵam belsendileri qyzdy ákesiniń inileri, ıaǵnı, aǵalary 8 jasynan bastap zorlap kelgeni týraly jazdy. Qaladaǵy emhanalardyń birinde medbıke bolyp jumys isteıtin anasy qazirgi kezde jumysqa bara almaı, balalaryn qarap otyr. Sebebi sot kúdiktilerdi úıqamaqqa jibergen.
- Polıtsııa departamenti bopsalaý jáne zorlyq-zombylyq faktilerin tirkep, sotqa deıingi tergep-tekserý júrgizip jatqanyn habarlaımyz. Іs boıynsha protsestik prokýror taǵaıyndaldy. Onyń qatysýymen barlyq tergeý áreketteri júrgizilýde. Eki kúdikti anyqtalyp, ýaqytsha ustaý ızolıatoryna qamaldy. Sanktsııalyq shara taǵaıyndaý kezinde sot kúdiktilerdiń jeke basynyń minezdemesin, buryn sottalmaǵanyn, kámeletke tolmaǵan balalarynyń jáne turaqty mekenjaıynyń bolýyn eskere otyryp, úıqamaqta ustaý týraly sheshim qabyldady. Qajetti saraptamalar taǵaıyndaldy. Qylmystyq isti tergeý barysy oblystyq polıtsııa departamenti basshylyǵynyń baqylaýynda. Azamattardy tek resmı aqparatqa senýdi suraımyz,- dep habarlady Aqtóbe oblystyq PD baspasóz qyzmeti.
Aqtóbe oblystyq sotynyń baspasóz qyzmeti kúdiktilerdiń 2 aı úıqamaqqa jiberilgenin rastady. Tergeý júrip jatqan kezde ózge aqparat jarııalanbaıtynyn jetkizdi.
Buǵan deıin habarlaǵanymyzdaı, Aqtóbede 46 jastaǵy er adam jasóspirimge seksýaldy sıpattaǵy zorlyq-zombylyq kórsetken. Qylmystyq kodekste ómir boıy bas bostandyǵynan aıyrý jazasy qarastyrylǵanymen sot sottalýshynyń buryn qylmystyq jaýapqa tartylmaǵanyn eskerdi.
