Aqtóbede 13 jasar qyz jıyrmasynshy qabattan sekirip ketti
AQTÓBE. QazAqparat – Aqtóbede 13 jastaǵy jasóspirim óz-ózine qol jumsady. Ol 25 qabatty úıdiń 20-qabatynan sekirip ketti, dep habarlaıdy QazAqparat tilshisi.
Qaıǵyly oqıǵa keshe saǵat 18.45-te Aqtóbe qalasynda tirkeldi.
Sol kezde qala turǵyny polıtsııa bólimine habarlasyp, 11-shaǵyn aýdanyndaǵy № 112 «V» úıiniń kireberisinde kámelet jasyna tolmaǵan qyzdyń jatqanyn aıtqan.
Polıtsııa jasaǵy atalǵan úıdiń kireberisinen 2008 jyly týǵan jetkinshektiń denesin tapty.
Ol 25 qabatty úıdiń 20-qabatyndaǵy kireberistiń balkonynan sekirip ketken.
«Kámeletke tolmaǵan bala alǵan jaraqatynan jedel járdem kelgenge deıin qaza boldy. Oqıǵanyń sebepteri anyqtalyp jatyr. Qazir Qylmystyq kodekstiń «Óz-ózine qol jumsaýǵa jetkizý» baby boıynsha sotqa deıingi tergeý júrgizilip jatyr», - dedi oblystyq PD baspasóz qyzmetiniń jetekshisi Erbolat Sarqulov.
