Aqtóbede 13 jasar balanyń velosıped urlaǵan sáti vıdeoǵa túsip qaldy
AQTÓBE. QazAqparat - Jasóspirim kópqabatty úıdiń kireberisinde turǵan velosıpedti urlap ketti. Bul sát beınebaqylaý kamerasyna túsip qaldy, dep habarlaıdy QazAqparat tilshisi.
Aqtóbe qalalyq polıtsııa basqarmasy jedel basqarý ortalyǵynyń 102 nómirine 34 jastaǵy áıel habarlasty.
Onyń aıtýynsha, Batys-2 shaǵyn aýdanyndaǵy kópqabatty úıdiń kireberisinen «STELS» markaly balalar velosıpedi urlanǵan.
Mekenjaıǵa ýchaskelik polıtsııa ınspektorlary birden jiberildi. Nátıjesinde beıneqabylaý kameralarynyń kómegimen 13 jastaǵy balany anyqtap, ustady.
«Polıtsııa departamenti aqtóbelikterden óz menshigine qatysty qyraǵy bolýyn, jeke múlikti urlaý faktilerin boldyrmaý úshin barlyq qajetti qaýipsizdik sharalaryn qoldanýyn suraıdy. Qoldanylyp jatqan sharalarǵa qaramastan velosıpedti urlaý deregi jıi tirkeledi»,- dedi oblystyq PD baspasóz qyzmetiniń jetekshisi Erbolat Sarqulov.
