Aqtóbede 1250 adam koronavırýs ınfektsııasynan em qabyldap jatyr
Aqtóbe oblysy boıynsha bir táýlikte 123 adamnan koronavırýs ınfektsııasy anyqtaldy. Onyń 108-i vırýstyń sımptomdy túrine shaldyqqan. Oblystyq densaýlyq saqtaý basqarmasy basshysynyń orynbasary Bekbolat Іzbasarovtyń aıtýynsha, barlyǵy 109 adam jansaqtaý bóliminde jatyr.
«17 naýqas ókpeni jasandy jeldetý apparatyna, 40 naýqas ınvazıvti emes apparatqa qosylǵan. Balalar týraly aıtar bolsam, barlyǵy 394 balanyń 24-i aýrýhanada jatyr. Olardyń jaǵdaıy ortasha aýyr. Sonymen birge koronavırýs ınfektsııasyn juqtyran 146 júkti kelinshektiń 56-sy aýrýhanaǵa jatqyzylǵan. Tórteýiniń jaǵdaıy aýyr», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.
Qazirgi kezde oblys boıynsha ınfektsııalyq kereýet júktemesi 66,4 %, reanımatsııadaǵy júkteme 49% boldy. Óńirde vırýstyń taralýynyń aldyn alý, karantın shekteýiniń saqtalýyn baqylap otyrǵan monıtorıng top jumysyn jalǵastyryp jatyr.
«23-30 tamyz aralyǵynda oblystyq sanıtarııalyq-epıdemıologııalyq baqylaý departamentinde 48 materıal tústi. Onyń 27-i qaralyp, ózgesi tekserilip jatyr. «Altyn shatyr» meıramhanasyna úsh ret, «Tumar», «ıÝrta», «Nur» restorandaryna eki ret, sondaı-aq «Han saraıy», «Altyn», «Turar», «Kórkem», «Sáke», «Asyl» meıramhanalaryna toı-dýman ótkizgeni úshin aıyppul salyndy. Maska taǵý rejımin saqtamaǵany úshin «Dına» gıpermarketiniń ákimshisine, karantın rejımin saqtamaǵany úshin laýndj bar, birneshe dúkenge ákimshilik hattama toltyryldy», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.