Aqtóbede 120-dan astam sheteldik azamatty zańsyz tirkegen turǵyn sottaldy

AQTÓBE. KAZINFORM — Ulttyq qaýipsizdik komıteti zańsyz kóshi-qon arnasynyń jolyn kesti. 

UQK Aqtóbe oblysy boıynsha departamenti zańdy belden basyp, kóshi-qonmen aınalysqan jergilikti turǵyndy ustady. 

— Tergeý barysynda 120-dan astam sheteldik azamatty jalǵan jumysqa ornalasý men turǵylyqty jerlerine tirkeý arqyly zańnamany aınalyp ótip, el aýmaǵynda zańdastyrylýyna múmkindik bergen shema anyqtaldy, — delingen habarlamada.

2025 jylǵy 20 naýryzda Aqtóbe qalasy sotynyń sheshimimen uıymdastyrýshy Qylmystyq kodekstiń 394-babynyń 1-bóligi boıynsha qylmystyq jaýaptylyqqa tartylyp, bir jylǵa bas bostandyǵyn shekteýge sottaldy.

 Sheteldikterdiń Qazaqstanda ýaqytsha turýǵa zańsyz alǵan ruqsattarynyń kúshi joıyldy.