Aqtóbede 12 jastaǵy qyzdyń baýyry aýystyryldy
Aqtóbede ótken «Týǵan jer» aktsııasyna Marat Ospanov atyndaǵy Batys Qazaqstan memlekettik medıtsınalyq ýnıversıtetiniń túlekteri jınalyp, ota jasady. Olardyń arasynda Ulttyq tranplantologııa ortalyǵynyń dırektory Jaqsylyq Dosqalıev, Ulttyq neırohırýrgııa ortalyǵynyń dırektory Serik Aqsholaqov bar. Akademık Jaqsylyq Dosqalıev týǵan jeri Alǵa qalasyna baryp, jerlesterin tegin emdedi. Keıin Aqtóbe medıtsına ortalyǵynda máıittik donordanbaýyr aýystyrý otasyn jasady. Bir kúnnen soń 12 jastaǵy qyzdyń baýyryn aýystyrdy.
«Aqtóbede orasan zor shara uıymdastyrylyp otyr. Bul forým óte mańyzdy jáne Memleket basshysynyń tapsyrmalaryn oryndaýǵa negizdelgen. Osynda týyp-ósken perzentterge týǵan jerine degen paryzyn oryndaýǵa múmkindik týyp otyr. Biz batys aımaǵynda alǵash ret baýyrǵa máıittik donordyń kómegimen biregeı operatsııa jasadyq. Ońtústik Koreıadan kelgen áriptesterimen birge 12 jastaǵy balanyń baýyr aýystyryldy. Bul týystyq donor arqyly jasalǵan ota. Elimizdiń ıgiligine jumys isteıtin Qazaqstandaǵy alǵashqy medıtsınalyq klasterdiń Aqtóbede qurylǵany qýantady», - dedi akademık J.Dosqalıev.
Barlyǵy «Týǵan jer» respýblıkalyq forýmy aıasynda 25 ota jasaldy. Aqtóbe oblysy ákiminiń baspasóz qyzmetiniń habarlaýynsha, Almatydaǵy QazǴZI kardıologııalyq klınıkasynyń professory Sálim Berkinbaev bastaǵan hırýrgter segiz keshendi operatsııa jasady.
«Akademık Jaqsylyq Dosqalıev týǵan jeri Alǵa aýdanynda ót joldary aýyratyn naýqastarǵa úsh kúrdeli ota jasady. Baýyr aýrýlarynyń aýyr belgileri bar naýqastarǵa keńester berdi. Olarǵa medıtsına klasteriniń kópsalaly aýrýhanasy janynan ekstırpatsııa jáne óńeshti plastıkamen qaıta tigý boıynsha tórt joǵary tehnologııalyq operatsııa jasaldy», - dep habarlady oblys ákiminiń baspasóz qyzmeti.
Derekterge súıensek, bıyl oblystyq týberkýlez dıspanseriniń qurylysy bastaldy. Sonymen qatar, medıtsınalyq kómek kórsetetin sanavıatsııanyń oblysaralyq ortalyǵyn qurý sheshimi qabyldandy.
