Aqtóbede 11 synyp oqýshysy kolledj stýdentin qorqytyp, onyń atyna nesıe rásimdegen

AQTÓBE. QazAqparat – Aqtóbede qaladaǵy kolledjderdiń birinde oqıtyn 17 jastaǵy stýdenttiń ata-anasy polıtsııaǵa shaǵym túsirdi. Ata-ana shaǵymynda balasyn bireýler qorqytyp, onyń atyna nesıe rásimdegenin aıtqan, dep habarlaıdy QazAqparat.

Stýdent jigittiń ata-anasynyń sózinshe, beıtanys jigit olardyń ulyn qorqytyp, iPhone 11 markaly uıaly telefon satyp alý úshin 330 000 teńgege nesıeni onlaın rásimdetken.

«Polıtsııa jedel-izdestirý sharalary barysynda qala mektepteriniń biriniń 11 synyp oqýshysyn anyqtap, ustady. Kúdikti óz kinásin moıyndady. Qazirgi kezde oǵan qatysty Qylmystyq kodekstiń «Tonaý» baby boıynsha sotqa deıingi tergeý bastaldy. Osy baptyń sanktsııasy múlki tárkilenip, jeti jylǵa deıingi merzimge bas bostandyǵynan aıyrý jazasyn qarastyrady», - dedi oblystyq PD baspasóz qyzmetiniń jetekshisi Erbolat Sarqulov.

Osyǵan deıin Aqtóbe oblysynda 100-den astam jol-kólik apaty tirkelgenin jazǵan bolatynbyz.