Aqtóbede 102 mekteptegi 310 synyp oqýshysy karantınge jiberildi

AQTÓBE. QazAqparat – Aqtóbede 102 mekteptegi 315 synyp oqýshysynan koronavırýs ınfektsııasy anyqtalyp, olar karantınge jiberildi, dep habarlaıdy QazAqparat tilshisi.

Aqtóbe oblysy «qyzyl» aımaqtar qatarynda tur. Munda bir táýlikte 224 adamnan koronavırýs ınfektsııasy anyqtalyp, kóbi aýrýhaǵa tústi. Qazirgi kezde oblystyq ınfektsııalyq statsıonarlarda 848 naýqas em qabyldap jatyr. Onyń 10-y ókpeni jasandy jeldetý apparatyna qosylǵan. Sonymen birge 47-i ınvazıvti emes ókpeni jasandy jeldetý apparatymen tynys alýǵa májbúr.

«Infektsııalyq statsıonarlarǵa jatqyzý deregi 10-15% tómendedi. Balalar arasyndaǵy jaǵdaı da sondaı. Qazir COVID-19 juqtyrǵan 337 balanyń 10-y aýrýhanada. Bireýiniń jaǵdaıy jeńil, ózgelerinde ortasha aýyrlyqta. Sonymen birge 11 júkti kelinshektiń 41-i aýrýhanada em qabyldap jatyr. Beseýiniń jaǵdaıy aýyr», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Jańa oqý jyly bastalǵan kúnnen beri 315 oqýshy vırýs juqtyryp, aýyryp qaldy.

«Aqtóbe qalasynda 241 baladan anyqtalsa, ózgesi aýdandarda. Qazir 102 mekteptegi 310 synyp oqýshysy túgel úı karantınine jiberildi. Olar qashyqtan bilim alady. Oblysta karantınge túgel jabylǵan mektep joq. Eger bir aýysymda oqıtyn oqýshylardyń 30%-nan vırýs anyqtalsa, bir aýysym ǵana karantınge jiberiledi. Al túgel karantınge jiberý máselesi bólek-bólek sheshiledi», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Gúlbaný Dáýletova.