Aqtóbede «100 jańa esim» jobasynyń ekinshi kezeńi bastaldy

AQTÓBE. QazAqparat - Aqtóbe oblysynda «Qazaqstannyń 100 jańa esimi» respýblıkalyq jobasynyń 2-shi kezeńi bastaldy. Bul týraly Aqtóbe oblysynyń óńirlik kommýnıkatsııalar qyzmetindegi baspasóz konferentsııasynda «Qoǵamdyq kelisim» QMM jetekshisi Zámzágúl Bımaǵambetova aıtty.

«Biz «Qazaqstannyń 100 jańa esimi» jobasynyń 2-shi kezeńine qatysýǵa úmitkerlerden ótinimder qabyldaýdy bastadyq. Onyń basty ereksheligi - endi úmitker naqty uıymnyń atynan usynylatyn bolady. Osylaısha, biz, ártúrli salalardan, jeke jáne kásibı jetistikteriniń biregeı tarıhy bar qoǵamdyq uıymdardan, salalyq qaýymdastyqtardan, qyzmetter men kásipter túrlerinen úmitkerler bazasyn qalyptastyra alamyz», - dedi Zámzágúl Bımaǵambetova.

Jobaǵa qatysýǵa ótinim osy jylǵy 10 qyrkúıekke deıin qabyldanatynyn eskerte ketkimiz keledi. Úmitkerlerdiń túpkilikti tizimi onlaın daýys berýdi uıymdastyrý úshin El.kz portalynda ornalastyrylatyn bolady.

Onlaın daýys berý aǵymdaǵy jylǵy 20 qyrkúıek pen 10 qazan aralyǵynda ótedi.