Aqtóbede 100-den astam qarý-jaraq zańsyz aınalymnan alyndy
AQTÓBE. QazAqparat – Aqtóbe oblysynda «Qarý» jedel aldyn alý sharasy ótti. Zańsyz aınalymnan 100-den astam qarý-jaraq alyndy, dep habarlaıdy QazAqparat tilshisi.
Qylmysty boldyrmaý maqsatynda polıtsııa qyzmetkerleri qarý ustaıtyn azamattardy tekserdi.
Oblys boıynsha barlyǵy 8 myńnan astam qarý tirkeýde tur.
Quqyq qorǵaýshylar teń jartysynyń ıesiniń úıine baryp, atys quralyn saqtaý zańdylyǵyn tekserdi.
«Jedel aldyn alý is-sharasy aıasynda 223 ákimshilik quqyq buzýshylyq anyqtaldy. Onyń 13-i qarýdy zańsyz saqtaý, 149-y qarýdy saqtaý jáne alyp júrý erejelerin buzý, 63-ń qarýdy qaıta tirkeý erejesin buzý deregi. Sonymen birge zańsyz aınalymnan barlyǵy 104 dana qarý-jaraq alyndy. Onyń ishinde 13 dana atys qarýy, 48 dana sýyq qarý, 43 dana oıyq jáne tegis uńǵyly qarýdyń patrony bar», - dedi oblystyq PD baspasóz qyzmetiniń jetekshisi Erbolat Sarqulov.
