Aqtóbede 10 jyldan beri qujatsyz júrgen Ózbekstan azamaty pasport aldy
AQTÓBE. QazAqparat – Osydan 10 jyl buryn Aqtóbege kelip, turaqtap qalǵan qala turǵyny tólqujatyn aldy, dep habarlaıdy QazAqparat tilshisi.
Aqtóbe qalasynyń taǵy bir turǵynyna quqyqtyq mártebe berildi.
Tımýr Sattarov 10 jyl boıy Ózbekstan Respýblıkasynyń elshiliginen anyqtama ala almaǵan.
«Aqtóbe oblystyq polıtsııa departamentiniń kóshi-qon qyzmeti resmı suranys jiberip, anyqtamany alýǵa kómektesti. Sóıtip Tımýr Sattarov azamattyǵy joq adamnyń kýáligin aldy. Jaqyn arada ol Qazaqstan azamatynyń jeke kýáligine qol jetkizedi», - dedi oblystyq PD baspasóz qyzmetiniń jetekshisi Erbolat Sarqulov.
Tımýr Sattarov kóshi-qon qyzmetkerlerine alǵysyn aıtyp, bir armanynyń oryndalǵanyna rızashylyǵyn bildirdi.
