Aqtóbede 10 jastaǵy bala sýǵa batyp ketti
Oqıǵa keshe saǵat 18:26-da tirkeldi. 112 qutqarý qyzmetine Aqtóbe qalasy Astana aýdany Aıbolıt baý-baqsha ujymy aýdanynda balanyń sýǵa batyp ketkeni jóninde habarlama tústi.
«Oqıǵa ornyna súńgýirler jiberildi. Aldyn ala aqparat boıynsha 10 jastaǵy bala ata-ananyń qaraýynsyz qalyp, oınap júrip qulap ketken. Jedel qutqarý jasaǵynyń qyzmetkerleri saǵat 19:05-te 10 jastaǵy er balanyń denesin sýdan shyǵardy. Onyń ústinde kıimi bolǵan», - dedi oblystyq TJD baspasóz qyzmeti.
Aıta keteıik, Yrǵyz aýdanynyń Qurylys aýylynda eki bala sýǵa batyp ketip, biriniń denesi eki saǵat ishinde tabyldy. Al ekinshisin súńgýirler 5 metr tereńdikten alyp shyqty.
Keshe Aqtóbede 15 jastaǵy bozbala dostarymen sýǵa shomylýǵa baryp, ózen jaǵasyna shyǵa almaı qalǵan. Qarsy bette turǵan Qolqanat Baqqul ony ólimnen arashalap qaldy.
