Aqtóbede 10 jastaǵy bala izdestirilip jatyr
AQTÓBE. QazAqparat - Aqtóbede 10 jastaǵy Birjan Ersaıynov izdestirilip jatyr. Ol keshe keshkilik oıynǵa ketip, úıine qaıta oralmaǵan, dep habarlaıdy QazAqparat tilshisi.
Aqtóbe qalasyndaǵy Jańaqonys aýyldyq okrýginiń kishkentaı turǵyny jan-jaqtan izdestirilip jatyr. Novyı orta mektebiniń 4 synyp oqýshysy Birjan Ersaıynov keshe keshki saǵat 5-pen 6:00 arasynda úıinen shyǵyp ketken. Oıynǵa ketken balanyń ústinde qara kúrteshe men qara bas kıimi bar.
«Oblystyq ishki ister departamenti tótenshe jaǵdaılar qyzmetimen birlese balany izdep jatyr. Tolyq derek qosymsha habarlanady»,- degen aqparat taratty oblystyq ІІD baspasóz qyzmeti.
Qazir aýyl mańyna jınalǵan qar sýyn súńgýirler sholyp júr. Sebebi, Birjan Ersaıynovty sý ústindegi seńge sekirip oınap júrgenin kórgen adamdar bar. Іzdeý jumystaryna Novyı orta mektebiniń muǵalimderi de jumyldyrylǵan. Ázirge esh nátıje joq.
