Aqtóbede 10 jasar uldy zorlap, 7 jasar uldy óltirgen qylmysker ustaldy
AQTÓBE. 18 tamyz. QazAqparat /Samal Endibaeva/ - Zaýyttyq polıtsııa bóliminiń qyzmetkerleri eki asa aýyr qylmys jasaǵan, ıaǵnı 10 jasar balany zorlap, 7 jasar ul balany óltirgen qandy qol qylmyskerdi ustady.
Búgin oblystyq ІІD ótken aptalyq brıfıng barysynda habarlanǵandaı, er adam kámeletke tolmaǵan balany zorlaǵan, keıinnen onyń ústinen aryz túsken. Qazaqstan Respýblıkasy Qylmystyq kodeksiniń 121 baby 4 tarmaǵy boıynsha qylmystyq is qozǵaldy.
Sondaı-aq jedel-tergeý sharalarynyń barysynda qylmysker 2011 jyldyń qańtar aıynda 7 jastaǵy ul balany óltirgenin moıyndaǵan.
Onyń aıtýynsha, sol kúni ol Chernyshevskıı kóshesi mańyndaǵy temir qabyldaıdyn pýnktee baryp, metall ótkizgen. Al úıine kele jatqanda balany kórip, oǵan kámpıt bergisi kelgen. Alaıda ul bala syılyqtan bas tartqan soń ashýy qozyp, balany moıyn oraýyshymen qylqyndyryp óltirip, ony adam joq jerge laqtyryp tastap, qylmys ornynan izin jasyrǵan.
