Aqtóbede 10 jasar bala týǵan kúninde sýǵa batyp ketti
AQTÓBE. QazAqparat - Aqtóbede mektep oqýshysy sýǵa batyp ketti, dep habarlaıdy QazAqparat tilshisi.
12 maýsym kúni saǵat 17:10-da Elek ózeni boıyndaǵy jabaıy jaǵajaıǵa demalýǵa barǵan otbasy bir balasynan aıyrylyp qaldy. Oblystyq polıtsııa departmentiniń habarlaýynsha, anasy tórt balasyn ertip, sýǵa shomylǵan.
Sol kezde 10 jáne 12 jastaǵy eki bala tereńnen shyqpaı qalǵan. Jaǵalaýda júrgen eresekter men qutqarýshylar eki balany shyǵaryp, medıtsınalyq kómek kórsetti.
Ózen mańynda 12 jasar bala esin jıyp, 10 jastaǵy balany aman alyp qalý múmkin bolmady.
«Kún ysyǵanda adamdar jaǵajaıǵa barady. Biraq saqtyq sharasyn esten shyǵarmaǵan jón. Ásirese sýǵa túsýge tyıym salynǵan aýmaq óte qaýipti. Jyl basynan beri osymen ekinshi bala sýǵa batyp ketti», - dedi oblystyq PD bastyǵy Atyǵaı Arystanov.
