Aqtóbede 10 sotyq jer tek aýdandardan berilip jatyr

AQTÓBE. KAZINFORM – Oblysta byltyr 400-ge jýyq jer telimi berildi. Jergilikti ákimdik bıylǵy jospardy naqty habarlamady.

Aqtóbe oblysynda 2022-2025 jyldary aralyǵynda 2 600-den astam jer ýchaskesin bólý jumystary júrgizildi. Onyń ishinde 400-ge jýyǵy byltyr berildi. Bári de aýdandarda. Atap aıtqanda Áıteke bı aýdanynda 21, Yrǵyzda 20, Qarǵalyda 24, Qobdada 7, Mártókte 28, Muǵaljarda 42, Temirde 8, Hromtaýda 76, Shalqarda 120, Oıylda 48 adamǵa 10 sotyq jer úlestirildi.

- Azamattardy 10 sotyq jer ýchaskesimen qamtamasyz etý úshin belgilengen orynǵa ınjenerlik jeliler tartylýy tıis. Boljanǵan turǵyn alaptardy ınfraqurylymmen qamtý belgili bir ýaqyt pen qarjy resýrstaryn qajet etedi. Osyǵan oraı 2026 jyly Aqtóbe oblysy boıynsha jer ýchaskelerin kezeń-kezeńimen bólý josparlanyp otyr. Jyl basynan beri 42 jer ýchaskesi (Áıteke bı-2, Yrǵyz-3, Qobda-1, Muǵaljar-9, Temir-3, Oıyl-17, Hromtaý-7) tabystaldy. Búgingi tańda Aqtóbe oblysy boıynsha jeke turǵyn úı qurylysyna jer ýchaskesin alý úshin arnaıy kezekke turǵan azamattardyń sany jyl saıyn ósip jatyr. Qazirgi 205 130 azamat tirkelgen, - dep habarlady Aqtóbe oblysy ákiminiń baspasóz qyzmeti.

Aqtóbe oblysynda kúni búginge deıin jeke turǵyn úı qurylysyna 50 355 jer ýchaskesi berilgen. 2022 jyly kezek elektrondy formatqa aýysty. Sodan beri 2 618 myń adam 10 sotyq jerdi ıelendi.

Aıta keteıik, Aqtóbe qalasynda jer telimin berýge moratorıı qansha ýaqytqa sozylatyny belgisiz.