Aqtóbede 10 aýylǵa sý, 8 aýylǵa gaz qubyry tartylady
Aqtóbe oblysynyń ákimi Ońdasyn Orazalınniń esep berý kezdesýi onlaın ótti. Óńir basshysy 2020 jyldaǵy áleýmettik-ekonomıkalyq damýy kórsetkishine toqtalyp, halyqtyń turmys sapasyn kóterý, atap aıtqanda sýmen, gazben jáne jaryqpen jabdyqtaý maqsatynda qabyldanyp jatqan sharalar týraly baıandady. Ótken jyly ortalyqtandyrylǵan sýmen qamtamasyz etý boıynsha 12 joba iske asyryldy.
«Aqtóbe qalasynda sý tapshylyǵyn boldyrmaý jumysy jalǵasyp jatyr. Elektiń bastoǵany keńeıtilip, Qundaqtyqyrdyń bastoǵanyn qalpyna keltirý bastaldy. Bıyl Sarybulaq jáne Moıseev ken oryndaryndaǵy jerasty sýlaryn izdeý-barlaý jumystaryn aıaqtaý josparlanyp otyr. Atalǵan jobalardy iske asyrý Aqtóbe qalasyna táýligine 126,5 myń tekshe metr sýdy qosymsha jetkizýge jáne oblys ortalyǵyn taǵy 40 jyl boıy turaqty sýmen qamtýǵa etýge múmkindik beredi. 2021 jyly 5,8 myń adam turatyn taǵy on aýyl sýmen qamtamasyz etilmek. Jalpy, halyqty sýmen qamtý 96,9% deıin ósetin bolady»,- dedi oblys ákimi O.Orazalın.
Gazben jabdyqtaý máselesi de ózekti bolyp qala beredi. Búginde gaz qubyrlarynyń jalpy uzyndyǵy 6 720 shaqyrymdy quraıdy. Oblystaǵy 315 eldi mekenniń 126-sy gazdandyrylǵan, halyqtyń 91,4% qamtylǵan. Byltyr 13 aýyldyń turǵyndary kógildir otynǵa qol jetkizdi. Bıyl taǵy segiz aýylǵa gaz qubyry tartylady. Sondaı-aq, aýyldarǵa qubyr jelilerin tartý úshin quny shamamen 10 mlrd teńge bolatyn bes jańa jobany júzege asyrý bastaldy. ıAǵnı, bolashaqta 13 myńnan astam turǵyny bar 25 aýyl gazben qamtamasyz etiledi. Olardyń qatarynda Juryn, Qarakól, Álimbet, Qumqudyq, Qutıkól, Aşysaı, Qarataýsaı, Baıturasaı, Amankól, Jarma jáne t.b. aýyldary bar.
