Aqtóbede 10-14 jas aralyǵyndaǵy 3 baladan koronavırýs anyqtaldy
AQTÓBE. QazAqparat - Sońǵy táýlikte Aqtóbe oblysynda taǵy 20 adamnan vırýs anyqtaldy, dep habarlaıdy QazAqparat tilshisi.
Aqtóbe oblysy boıynsha 610 adam indetke shaldyqsa, onyń teń jartysy emdelip shyqty. Sońǵy táýlikte taǵy 20 adam tirkeldi. Oblystyq taýarlar men kórsetiletin qyzmetter sapasy men qaýipsizdigin baqylaý departamenti baspasóz qyzmetiniń habarlaýynsha, Mártók aýdanynan 5, Áıteke bı aýdanyn 8 adam bar. Koronavırýsqa shaldyqqandardyń úsheýi 10, 12, 14 jastaǵy bala.
«13 patsıent JRVI sımptomdarynyń paıda bolýyna baılanysty medıtsınalyq kómekke júgingen. 7 adam profılaktıkalyq testen ótkende anyqtaldy. Qazirgi ýaqytta patsıentter ınfektsııalyq aýrýhanaǵa oqshaýlandyryldy, naýqastardyń jaǵdaılary qanaǵattanarlyq, hattamaǵa sáıkes tıisti em qabyldap jatyr. Olarmen qarym-qatynasta bolǵan adamdar medıtsınalyq baqylaýǵa alyndy», - delingen habarlamada.
