Aqtóbede 1 jastaǵy bala vırýs juqtyrdy
AQTÓBE. QazAqparat – Aqtóbede 1 jastaǵy bala koronavırýs ınfektsııasyn juqtyrdy, dep habarlaıdy QazAqparat tilshisi.
Búgin saǵat 17:40-taǵy málimet boıynsha Aqtóbe oblysynda taǵy 1 adamnan indet anyqtaldy.
«9 mamyr kúni 1 jastaǵy balanyń qyzýy kóterilip, ishi ótken. Al 10 mamyr kúni jedel járdem shaqyryp, odan analız alyndy. Laboratorııalyq zertteýden soń balanyń vırýs juqtyrǵany anyqtalyp otyr. Bala ınfektsııalyq aýrýhanaǵa jatqyzyldy. Qazir jaǵdaıy qanaǵattanarlyq. Hattamaǵa sáıkes em alyp jatyr. Jaqyn qarym-qatynasta bolǵan adamdar anyqtalyp, oqshaýlandy», - dep habarlady oblystyq taýarlar men kórsetiletin qyzmetter sapasy men qaýipsizdigin baqylaý departamentiniń baspasóz qyzmeti.
Aıta keteıik, oblysta barlyǵy 175 adam indetke shaldyqsa, 54 adam emdelip, úıine shyqty.
