Aqtóbede 1 myńǵa jýyq kásipker jumysyn qaıta bastady
AQTÓBE. QazAqparat – Aqtóbede 1 myńǵa jýyq kásipker onlaın ruqsat qujatyn aldy. Búgin bazarlar men shashtaraz, sulýlyq salondary jumysyn qaıta jandandyrdy, dep habarlaıdy QazAqparat tilshisi.
Aqtóbede kásipkerler elektrondy tsıfrlyq qoltańba alyp, www.infokazakhstan.kz portalyna tirkelip jatyr. Al iri saýda oryndaryna ruqsat berý kezinde aldyn ala tekserý júrgiziledi.
«Karantın kezinde saýda, qyzmet kórsetý, qoǵamdyq tamaqtaný salasy qıyndyqqa tap boldy. Azyq-túlik dúkeni men dárihanalar ǵana kedergisiz qyzmet kórsetti. Búginnen bastap monıtorıng júrgiziledi. Toqyraýǵa tap bolǵandardy kómektesý tetigin qarastyramyz. Eger kimde-kim tirkele almasa, kásipkerlik palatasy kómektesedi. Biz senbi, jeksenbi kúnderi jumys istep, aldyn – ala túsindirý jumystaryn júrgizdik», - dedi «Atameken» óńirlik kásipkerlik palatasynyń dırektory Anar Darjanova.
Aıta keteıik, oblysta barlyǵy 3167 adam tirkelse, onyń 90 paıyzǵa jýyǵy emdelip shyqty. Ótken táýlikte 158 adam juqpaly aýrýdy jeńdi. Qazir úı karantıninde 364 adam bar. Olarǵa medıtsınalyq baqylaý júrgizilip jatyr.
