Aqtóbede 1 mln sharshy metr turǵyn úı paıdalanýǵa beriledi
AQTÓBE. QazAqparat – Bıyl Aqtóbede 1 mıllıon sharshy metr turǵyn úı qoldanysqa beriledi, dep habarlaıdy QazAqparat tilshisi.
Aqtóbede ótken jyly 1 mıllıon sharshy metr turǵyn úı qoldanysqa berildi. Bıyl da bul kórsetkish saqtaldy. Jyl basynan beri 558 myń sharshy metr turǵyn úı salynyp, paıdalanýǵa berildi. Bul degenimiz 3785 páter. «7-20-25» baǵdarlamasy aıasynda shamamen 1 400 ótinim maquldandy.
«Turǵyn úı kezeginde 31,2 myń adam tur. Onyń ishinde 16,5 myńy halyqtyń áleýmettik osal toptarynan, 2,8 myńy kóp balaly otbasy. Bıyl 1 084 otbasyna páter berý josparlansa, onyń 485-i qonys toıyn toılady. Bul maqsatqa 6,5 mlrd teńge qarastyrylǵan. Kelesi jylǵa 1,1 mln sharshy metr turǵyn úıdi nemese 7 500-deı páterdi paıdalanýǵa berý josparlanǵan»,- dedi Aqtóbe oblysynyń ákimi Ońdasyn Orazalın
Aıta keteıik, indet kezinde kommýnaldyq qyzmetter tarıfi 20%, aýdandar boıynsha 50% tómendetildi.
