Aqtóbede 1 mıllıon túp kóshet otyrǵyzylady
AQTÓBE. QazAqparat - Aqtóbede 1 gektar aýmaqqa 1 mıllıon túp kóshet otyrǵyzylady. Sonymen qatar, dekoratıvti aǵashtardy egýge 30 mıllıon teńge bólindi, dep habarlaıdy QazAqparat tilshisi.
Aqtóbede kógaldandyrý jumystary uıymdastyryla bastady. Bıyl qalanyń árin keltiretin gúl men jasyl shóp egý jumystaryna 486 mıllıon teńge qarastyrylǵan. 1 myń gektar jerge 1 mıllıon túp aǵash otyrǵyzylady.
«Gúl egý aımaǵy keńeıip, 200 myń sharshy metrge jetti. Sonymen qatar, 4,5 myń túp dekoratıvti kóshet otyrǵyzylady. Bul jumystar qysta bastalǵan bolatyn. Kóktemde jalǵastyrylyp, jazda gúl egiledi», - dedi Aqtóbe qalasy ákiminiń orynbasary Naǵymjan Aldııarov. Sonymen qatar, bıyl qalada 28 saıabaq pen gúlzar ashylady. Demalys aımaǵynyń bári kógaldandyrylyp, turǵyndardyń tynyǵýyna jaǵdaı jasalady.
Aıta keteıik, qalalyq ákimdik aǵash japyraqtaryn jeıtin zııankes jándiktermen kúresti erte bastaýdy usyndy. Bul jumystarǵa bıyl on ese kóp qarjy bólindi. ıAǵnı, ýlaý jumystaryna 60 mıllıon teńge jumsalady. Sebebi, 2016 jyly qaladaǵy jasyl jelektiń bári bir mezette quryp ketken bolatyn.
