Aqtóbede 1 mamyrdan bastap karantın shekteýi jeńildeıdi
Aqtóbe oblysy 31-naýryz kúninen beri «qyzyl» aımaqta ornalasqan. Ótken táýlikte oblysta 128 adamnan koronavırýs ınfektsııasy anyqtaldy. Aqtóbe qalasymen birge Alǵa, Qarǵaly, Mártók, Muǵaljar, Temir, Oıyl, Qobda, Hromtaý aýdandarynda da aýyryp, ınfektsııalyq statsıonarǵa jatqandar bar. COVID-19 juqtyrǵandardyń 76,9% jazyldy. Oblys boıynsha áli de 5500-den astam adam úı karantınde.
«Aqtóbede karantın shekteýi jeńildedi. Buǵan deıin oblysishilik avtobýstardyń júrýine tyıym salynǵan edi. Endi 1-mamyrdan bastap aýdandar men oblys ortalyǵyna qatynaıtyn qoǵamdyq kólikter qaıda jumysyn jandandyrady. Al qalaaralyq, oblysaralyq turaqty avtobýstardyń, shaǵyn avtobýstardyń qozǵalysyna áli de tyıym salynǵan», - dep habarlady oblystyq sanıtarııalyq-epıdemıologııalyq baqylaý departamentiniń baspasóz qyzmeti.
