Aqtóbede 1,5 mln teńge para alǵan memlekettik qyzmetker 4 jylǵa sottaldy
AQTÓBE. QazAqparat - Aqtóbede oblystyq ishki memlekettik aýdıt departamenti bastyǵynyń orynbasary Qalmaǵambet Rahmetov para alǵany úshin sottaldy, dep habarlaıdy QazAqparat tilshisi.
Aqtóbe qalalyq sotynda memlekettik qyzmetker Qalmaǵambet Rahmetovke qatysty Qylmystyq kodekstiń «Para alý» babymen úkim shyqty. Sýdıa E.Ábdihalyqov sottalýshy Q.Rahmetovti 1,5 mıllıon teńge para alǵany úshin 4 jylǵa bas bostandyǵynan aıyrý jazasyn taǵaıyndady.
Іs materıalyna súıensek, sottalýshy Qalmaǵambet Rahmetov 2018 jyldyń 4 qazan kúni óz kabınetinde ustaldy. Ol Aqtóbe oblystyq perınataldyq ortalyǵynyń bas dárigeri Ashat Balyqovtan aqsha suraǵan. Oblystyq ishki memlekettik aýdıt departamenti dál sol kezde atalǵan ortalyqty tekserip, qorytyndy shyǵarǵan bolatyn.
