Aqtóbe jol qurylysy materıaldarymen ózin-ózi 100% qamtyp otyr – QazAvtoJol
AQTÓBE. QazAqparat – Aqtóbe oblysynda jol salýda tolyqtaı jergilikti materıaldar paıdalanylyp jatyr. Bul týraly «QazAvtoJol» AQ ulttyq kompanııasynyń atalǵan óńir boıynsha fılıalynyń dırektory Marat Mahambetov málim etti, dep habarlaıdy QazAqparat tilshisi.
«Jol salýǵa qajetti qurylys materıaldary ózimizden shyǵady. Muǵaljarda zaýyt bar. Sonymen qatar biz ishki suranystan bólek, kórshi Oral jáne Atyraý oblysyn jol qurylysy materıaldarymen qamtamasyz etip otyrmyz. Jalpy jol salýda negizinen qoldanylatyn ınerttik materıaldar. Ol degenimiz qıyrshyq tastar. Sonymen qatar Aqtóbe oblysynda Muǵaljardan bólek Tabantal jáne basqa materaldar shyǵaratyn zaýyttar jumys isteıdi», - Marat Mahambetov baspasóz týry barysynda.
Onyń aıtýynsha, Aqtóbe oblysynda respýblıkalyq joldardyń jalpy uzyndyǵy 1869 shaqyrymdy quraıdy.
«Odan bólek bizdiń zaýyttar jol salýǵa kerekti temir-beton jáne kópir qurylysyna qajetti materıaldardy shyǵarady. Osyǵan oraı Aqtóbe oblysy jol salýǵa qajetti qurylys materıaldary boıynsha ózin-ózi 100 paıyz qamtamasyz etip otyr dep aıtýǵa bolady», - deıdi ol.
Aıta ketsek, «QazAvtoJol» ulttyq kompanııasynyń uıymdastyrýymen «Aqtóbe – Oral – Atyraý» baǵytyndaǵy respýblıkalyq mańyzy bar joldardaǵy istelinip jatqan jumystar boıynsha BAQ ókilderine arnalǵan týr ótip jatyr.
