Aqtóbe jol apatynan úsh adam aýrýhanaǵa tústi
AQTÓBE. QazAqparat - Aqtóbede eki kólik soqtyǵysyp, úsh adam aýrýhanaǵa tústi. Onyń bireýi tórt jasar bala, dep habarlaıdy QazAqparat tilshisi.
«Toıota Alpard» avtokóliginiń 63 jastaǵy júrgizýshisi Hromtaý qalasynan Dóń aýylyna baǵyt alyp, aldynda kele jatqan «Nissan Europe» avtokóligin basyp ozbaq bolady. Biraq manevr jasaý týraly belgi bermeı jáne aldyndaǵy kóliktiń jol bergenine kóz jetkizbegendikten eki kólik soqtyǵysty.
«Jol apaty saldarynan «Toyota Alpart» avtokóliginiń úsh jolaýshysy, onyń ishinde 4 jasar qyz Hromtaý aýdanynyń aýrýhanasyna jatqyzyldy. Aqtóbe oblystyq polıtsııa departamenti jol qozǵalysyna qatysýshylarǵa jol qozǵalysy erejelerin múltiksiz saqtaý kerektigin eskertedi»,- dep habarlady oblystyq PD baspasóz qyzmetiniń jetekshisi.
