Aqtóbe jerlester forýmyna daıyndalyp jatyr
AQTÓBE. QazAqparat - Aqtóbede jerlester forýmy 28-29 qyrkúıekke josparlanǵan. Qazirgi ýaqytta memlekettik-jeke menshik seriktestigi aıasynda salynyp jatqan qurylys nysandarynń ishki árleý jumystary júrip jatyr, dep habarlaıdy QazAqparat tilshisi.
Jan-jaqta júrgen aqtóbelikter qyrkúıek aıynyń sońynda týǵan jerge oralady. Qazirgi kúni álemniń 15 elindegi 300-den astam aqtóbelik forýmǵa qatysýǵa kelisim bergen. Elimizdiń bilim, mádenıet, densaýlyq, sport salasynda eńbek etin júrgen tanymal adamdar da Aqtóbeniń damýyna óz úlesin qospaq. Máselen, Ulttyq transplantologııa ortalyǵynyń dırektory Jaqsylyq Dosqalıev, ánshi Dımash Qudaıbergen óz vıdeoúndeýin joldap, forýmdy qoldaýǵa shaqyrdy. 
Al Aqtóbe oblysynyń ákimi Berdibek Saparbaev jerlestor forýmy ótetin áleýmettik, mádenı nysandardyń daıyndyǵyn tekserdi. Áýejaı aýmaǵynyń daıyndyǵy men kógaldandyrý, bezendirý jumystary qaraldy. Negizgi mádenı shara Qobylandy batyr atyndaǵy ortalyq stadıonda bolady. Ǵazıza Jubanova atyndaǵy oblystyq fılarmonııadaǵy qazaq kameralyq horynyń kórkemdik jetekshisi Merbol Quspanovtyń aıtýynsha, forým kezinde 800 adamnan turatyn hor óner kórsetedi. Qazirgi ýaqytta qaladaǵy kolledjder men mektepterdegi ónerpazdar jeke daıyndyq júrgizip jatyr. Hor «Qarlyǵash» ánin oryndaıdy. 
Aıta keteıik, forým kezinde memlekettik-jeke menshik seriktestik aıasynda salynyp jatqan birneshe nysan paıdalanýǵa beriledi. Olardyń arasynda 1200 oryndy Jastar saraıy, Jekpe-jek saraıy, Shyǵarmashylyq úıi, Jubanovtar álemi ortalyǵy men «Nurly jer» aıasynda salynyp jatqan taýnhaýstar men kottedjder bar .
