«Aqtóbe» jankúıerlerine beıádep ánderi úshin aıyppul salyndy
ASTANA. QazAqparat - Búgin Qazaqstan fýtbol federatsııasynyń tártiptik-baqylaý komıteti «Aqtóbe» fýtbol klýby jankúıerleriniń «Qaırat» komandasy tarapyna qarata aıtqan beıádep ánderine qatysty óz sheshimderin shyǵardy.
Aqtóbelik komanda jankúıerleri qarsylas komandanyń namysyna tıetin sózder men beıádep sózderge toly án shyrqaǵany úshin klýbqa 500 myń teńge aıyppul salyndy, dep habarlaıdy dodasport.kz .
Eger mundaı jaǵdaı kezekti ret qaıtalanatyn bolsa, komanda óz alańyndaǵy oıyndaryn jankúıerlersiz ótkizýi múmkin. Sondaı-aq 30 shilde kúni ótken «Aqtóbe» - «Qaırat» oıynynda jaýapty ınspektor bolǵan Pavl Salııdy da kezdesý hattamasynda jankúıerlerdiń tártipsizdigin jazbaǵany úshin jaýapqa tartty.
Tártiptik-baqylaý komıteti oqıǵany BAQ pen ınternette jarııalanǵan vıdeomaterıaldar negizinde qaraǵan. Búgin Aqtóbe oblysy ishki ister departamenti oıynda tártipsizdik tanytyp, beıádep án shyrqaǵan birneshe jankúıerlerdi jaýapqa alǵany jaıly da habarlady. Olarǵa 90 760 teńge kóleminde aıyppul salynatyn bolady. Ózge de jankúıerler izdestirilip jatyr eken.
