«Aqtóbe» men «Ordabasynyń» eýrokýbok oıyndaryndaǵy qarsylasy anyqtaldy

ASTANA. KAZINFORM - Qazaqstandyq «Aqtóbe» jáne «Ordabasy» klýbtarynyń eýrokýbok oıyndarynyń alǵashqy irikteý satysyndaǵy qarsylasy anyqtaldy.

Eýropa lıgasynda synǵa túsetin aqtóbelik klýb birinshi irikteý kezeńinde Polshanyń «Legııa» (Varshava) klýbyna qarsy oınaıdy. Oıyndar 10 jáne 17 shildege josparlanǵan.

Al shymkenttik «Ordabasy» Konferentsııa lıgasy birinshi kezeńinde Grýzııanyń «Torpedo» (Kýtaısı) klýbymen oınaıdy.

Atalǵan týrnırde elordalyq «Astana» joryǵyn ekinshi irikteý kezeńinen bastaıdy. Atalǵan kezeńniń jerebesi 18 maýsym kúni tartylady.

Aıta ketsek, budan buryn Chempıondar lıgasynda el namysyn qorǵaıtyn almatylyq «Qaırattyń» qarsylasy belgili boldy. Olar Slovenııanyń «Olımpııa» klýbymen 8-9 shilde jáne 15-16 shilde kúnderi kelesi kezeń joldamasyn sarapqa salady.