Aqtóbe jáne Mańǵystaý oblystary jármeńkege 200 tonnaǵa jýyq ónim ákeledi
ASTANA. 7 qarasha. QazAqparat - Demalys kúnderi Astana qalasynyń ortalyq alańynda qalalyq ákimdiktiń aldynda Aqtóbe jáne Mańǵystaý oblystarynyń taýar óndirýshileriniń qatysýymen aýyl sharýashylyǵy jármeńkesi ótedi. Bul týraly astana.kz saıtyna Kásipkerlik pen ónerkásip basqarmasynan habarlady.
Aqtóbe oblysynyń óndirýshileri jármeńkege 120 tonnadan astam ónim ákeledi. Jármeńkede oblystyń 12 aýdanynan jáne Aqtóbe qalasynan aýyl sharýashylyǵy taýar óndirýshileri men qaıta óńdeýshi kásiporyndar qatysady. Ónimdi satý úshin 86 saýda orny qurylady. Jármeńkede qala turǵyndaryna 50,0 tonna ettiń barlyq túri, 12 tonna balyq, 35 tonna kartop pen kókónis, 2 tonna sút ónimi, 5 tonna ósimdik maıy, 5 myń dana jumyrtqa, 3 tonna shujyq ónimderi, 20 tonna basqa da ónimder usynylady. Budan basqa, «Ardaǵym» sharýa qojalyǵy bekire tuqymdas tiri balyqtar ákeledi. «Aıs» JShS sút ónimderin, «Ramazan», «Aqtóbe astyq ónimder kombınaty» jáne «Aqtóbe-nan» JShS un, makaron ónimderin, «Stepnoe», «Rokos» JShS shujyq ónimderin jetkizedi.
Іs-shara barysynda Aqtóbe oblysynyń ártisteri, ánshileri men bı ujymdary daıyndaǵan kontserttik baǵdarlama qoıylady.
Jármeńke qonaqtaryna arnap 4 kıiz úı qurylady, Aqtóbe qalasynyń Áıteke bı, Muǵaljar jáne Alǵa aýdandarynyń halyqtyq qolóner sheberleriniń buıymdary satylady.
Óz kezeginde, Mańǵystaý oblysynyń óndirýshileri elordaǵa 60 tonnaǵa jýyq túrli ónim ákeledi. Atap aıtqandaa, 10 tonna et, 10 tonna balyq, 1 tonna qazaq ulttyq taǵamdary, mysaly, qurt, balqaımaq, irimshik, 30 tonna kókónis, sondaı-aq 9 tonna sút pen qyshqyl sút.
Ortalyq alańda «Aqjarma» folklorlyq ansambli, «Jorǵa» bı ansambli, «Áýen» vokaldyq toby, «Molodost» djaz ansambli, «Kerýen» kvarteti jáne t.b. óńirdiń shyǵarmashylyq ujymdary óner kórsetedi.
Osy kúni QR Ulttyq kitaphanasynda Mańǵystaý oblysynyń ákimi A.Aıdarbaevtyń jáne elorda ákimi I.Tasmaǵambetovtiń qatysýymen 50 tomdyq basylym - mańǵystaýlyq aqyn-jazýshylardyń úzdik shyǵarmalarynyń «Mańǵystaý aqyn-jazýshylary» atty jınaǵynyń tusaýkeseri ótedi. Al 10 qarashada saǵat 15.00-de Kongress-Hollda Mańǵystaý ólkesi halyq óneriniń taqyryptyq kórmesi jáne aımaqtyń óner sheberleriniń gala-kontserti ótedi.
