Aqtóbe jáne Almatyda aýa sapasy nasharlaıdy

ASTANA. QazAqparat – Búgin Aqtóbe jáne Almatyda aýa sapasy nasharlaıdy, dep habarlaıdy QazAqparat «Qazgıdrometke» silteme jasap.

Boljam boıynsha, 26 mamyrda Aqtóbe jáne Almaty qalalarynda qolaısyz meteorologııalyq jaǵdaılar kútiledi.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.