Aqtóbe ýnıversıtetiniń jataqhanasynda órt shyqty
ASTANA. Qazannyń 21-i. QazAqparat - Q.Jubanov atyndaǵy Aqtóbe memlekettik ýnıversıtetiniń jataqhanasy órt qushaǵyna oranyp, 40 adam qaýipsiz jerge kóshirildi.
Bul aqparatty elimizdiń Tótenshe jaǵdaılar mınıstrliginiń baspasóz qyzmetinen habarlady.
5 qabatty jataqhana ǵımaratynyń bólmeleriniń birinen shyqqan qyzyl jalyn 15 sharshy metr aýmaqty qamtyǵan. «Órtti aýyzdyqtaý barysynda 5 adam qutqarylyp, 40-y qaýipsiz jerge kóshirildi. Zardap shekkender men qaza tapqandar joq», - dep naqtylaı túsken habarlamada.
Órtti sóndirýge QR TJM Aqtóbe oblystyq TJD-niń jeke quramyndaǵy 17 maman men 3 tehnıka jumyldyryldy.
