Aqtóbe – Ulǵaısyn avtojolyndaǵy jóndeý jumystary 2028 jyldyń sońynda aıaqtalady
ASTANA. KAZINFORM – Qazaqstanda strategııalyq mańyzy bar jáne Aqtóbe oblysynyń aýmaǵy arqyly ótetin Aqtóbe – Ulǵaısyn kólik dálizin qaıta jańartý jobasyn iske asyrý jalǵasyp jatyr.
Kólik mınıstrligi málimetinshe, joldyń jalpy uzyndyǵy 262 shaqyrym jáne ol 7 derbes ýchaskege bólingen.
Búgingi tańda qurylys-montajdaý jumystary uzyndyǵy 28,1 shaqyrym bolatyn ýchaskede júrgizilip jatyr. Joba 2024-2028 jyldar aralyǵynda júzege asyrylady. 2025 jyldan bastap atalǵan ýchaskede asfaltbeton jabyny tóselgen joldyń bir jaǵymen qozǵalys ashyldy. Nysanǵa 102 birlik tehnıka men 115 qyzmetker tartylǵan.
Jumystardyń jalpy kóleminiń shamamen 40%-y oryndaldy: negizgi jer jumystary aıaqtaldy, jasandy qurylystar salyndy, jol qabattarynyń kóp bóligi tóseldi, qajetti qurylys materıaldary daıyndaldy, sondaı-aq óndiristik bazalar paıdalanýǵa berildi.
Osy ýchaskedegi jumystardy tolyq aıaqtaý 2028 jyldyń sońyna josparlanǵan. Joldyń 234 shaqyrymdy quraıtyn negizgi bóligi rekonstrýktsııa jumystaryna daıyndyq kezeńinde tur. Qajetti protsedýralar aıaqtalǵannan keıin merdiger uıymdarmen kelisimsharttar jasalyp, osy ýchaskelerde qurylys-montajdaý jumystary kezeń-kezeńimen bastalady.
Rekonstrýktsııalaýdyń barlyq kezeńi aıaqtalǵannan keıin jol I tehnıkalyq sanatqa sáıkes bolady. Bul neǵurlym jaıly ári qaýipsiz qozǵalysty qamtamasyz etedi, sondaı-aq ruqsat etilgen qozǵalys jyldamdyǵyn arttyrýǵa múmkindik beredi.
Bul baǵytty damytý Memleket basshysynyń tapsyrmalary aıasynda júzege asyrylyp jatyr. Óıtkeni joba Qazaqstannyń batys jáne ońtústik óńirleriniń kóliktik baılanysyn, sondaı-aq eldiń halyqaralyq tranzıttik áleýetin damytý úshin mańyzdy mánge ıe.
Aıta keteıik, Qazaqstanda jol salasyn retteıtin normatıvtik baza túbegeıli jańartylyp jatyr. Bul protsess endi tek jospar deńgeıinde emes naqty iske asyrý kezeńine ótti.
