Aqtóbe túrmesinde shaǵyn jáne orta bıznesti damytý joly qaraldy
Aqtóbe oblysy ákiminiń orynbasary Rýslan Qambarov jáne oblys prokýrorynyń orynbasary Ǵalymjan Tileýbaev KA-168/2 túzeý mekemesiniń óndiristik aımaǵyn aralady. Sondaı-aq «Atameken» kásipkerler palatasynyń jáne «Eńbek» RMK fılıalynyń ókilderi de ere bardy. Olar temir-beton ýchaskesin, tigin, mehanıkalyq tseh, aǵash óńdeý tsehy, naýbaıhana men mekemeniń basqa da jumys istep turǵan nysandaryn qarady. Aqtóbe oblysy boıynsha QAJ departamentiniń bastyǵy Almas Shámıshev bos turǵan óndiristik ǵımarattar men úı-jaılardyń quqyǵyn belgileıtin qujattary men tehnıkalyq qujatynyń joq ekenin atap ótti. Bul shaǵyn jáne orta bıznes sýbektilerin tartýǵa, mekeme aýmaǵyndaǵy óndiristik qýatty arttyrý jáne sottalǵandardy jumyspen qamtýǵa kedergi keltirip otyr.
«Sottalǵandardy eńbekke aralastyrý túzeý mekemeleri mindetteriniń biri bolyp tabylady. Qazirgi ýaqytta Aqtóbe oblysy boıynsha QAJ departamentine qarasty KA-168/2 túzeý mekemesiniń aýmaǵynda eńbekke qabiletti sottalǵandardyń 68,6 % jumys istep júr. Jazasyn óteýshiler jalaqysyn otbasyna jiberedi jáne sotpen taǵaıyndalǵan talap-aryzdardy óteıdi», - dedi Aqtóbe oblysy boıynsha QAJ departamentiniń bastyǵy Almas Shámıshev.
Aqtóbe oblysy ákiminiń orynbasary Rýslan Qambarov basqarma basshylaryna problemalyq máseleler boıynsha jazbasha usynys engizý týraly jeke tapsyrma berdi.
