«Aqtóbe» túrkistandyq «Turan» fýtbol komandasyn jeńdi

AQTÓBE. QazAqparat - Bul - «Aqtóbe» fýtbol klýbynyń qorjynyndaǵy kezekti jeńis, dep habarlaıdy QazAqparat.

Búgin Aqtóbe oblysynyń ákimi Eraly Toǵjanov matchqa arnaıy kelip, komandaǵa qoldaý bildirdi.

Fýtboldan Qazaqstan chempıonatynyń 24-shi týry aıasynda aqtóbelikter óz alańynda túrkistandyq «Turan» klýbyn qabyldady.

Oıyn qazaqtyń belgili bapkeri Sultan Ábenovti bir mınýt únsizdikpen eske alýmen bastaldy.

Áserli oıynnyń qorytyndysy boıynsha «Aqtóbe» 3:2 esebimen senimdi jeńiske jetti.

Qazaqstan Premer Lıgasynyń 24-týrynan keıin «Aqtóbe» fýtbol klýby qazir el birinshiliginde 48 upaımen kósh bastap tur.

Ekinshi orynda 47 upaımen «Astana» FK keledi.