Aqtóbe turǵyny joǵalǵan balasyn úsh kúnnen keıin ǵana izdedi
AQTÓBE. QazAqparat - Aqtóbede jyl basynan beri 9 jasóspirim úıinen ketip qalǵan. Polıtsııa qyzmetkerleri kóktemde mundaı jaǵdaıdyń jıilep ketkenin aıtyp berdi, dep habarlaıdy QazAqparat tilshisi.
ıÝvenaldy polıtsııa qyzmetkerleri úıden óz erkimen ketip qalǵan 15, 16 jáne 17 jastaǵy úsh jasóspirimdi tapty.
Máselen, Aqtóbe qalasyndaǵy kolledj jataqhanasynan 16 jastaǵy stýdent ketip qalǵan. Ata-anasy buǵan deıin ata-ana quqyǵynan aıyrylǵan.
Al jasóspirim kolledj ákimshiliginiń qamqorlyǵynda bolǵan. Іzdeý sharalary barysynda boıjetken aýyldaǵy dosynyń úıinen tabyldy.
Qala mektepteriniń birindegi 9-synyp oqýshysy óz erkimen úıinen ketip qalǵan. Úsh kún ótken soń anasy polıtsııaǵa qyzynyń joǵalyp ketkeni týraly habarlady. Belgili bolǵandaı, qyz qurbysymen birge jaldamaly páterde bolǵan.
Keshe taǵy bir jasóspirim úıinen ketip qaldy. Belgili bolǵandaı, jasóspirim ákesimen birge turady.
Ol balasyn 7 saǵattan keıin izdeı bastaǵan. Keıin anasynan tabyldy.
«Ata-ana baqylamaıdy, oqý ornynyń ákimshiligi tarapynan tıisti qadaǵalaý joq. Kóbinese qaraýsyz, tolyq emes otbasynda turatyndar eskertýsiz júre beredi», -deıdi oblystyq PD bastyǵy Atyǵaı Arystanov.
