Aqtóbe turǵyny túrmede otyrǵan balasyna telefon alyp kirmek boldy
Aqtóbe turǵyny ish kıimine telefon jasyryp, ony tergeý ızolıatorynda otyrǵan ulyna jetkizbek boldy. Aqtóbe oblysy boıynsha Qylmystyq atqarý júıesi departamenti tergeý ızolıatorynyń qyzmetkerleri azamatshanyń zańsyzdyqty der kezinde baıqap, tekserý kezinde metall izdegish arqyly uıaly telefon, zarıadtaý qurylǵysy men sım-kartany tirkedi.
«Mekeme ákimshiligi kelýshilerge tyıym salynǵan zattardy alyp kirgeni úshin jaýapqa tartylatyny týraly birneshe ret aıtty. Biraq sottalǵandar men tergeýdegi azamattardyń týystary mekemeniń zańdy talaptaryn buzýdy jalǵastyryp jatyr», - dep atap ótti KA-168/1 mekemesi bastyǵynyń mindetin atqarýshy Arshat Býrabaev.
Aıtyp óteıik, kúdikti qazir asa iri mólsherde esirtki qoldanǵany úshin tergelip jatyr. Onyń anasy jazbasha túsiniktemesinde bar kinásin moıyndady. QR Ákimshilik quqyq buzýshylyq týraly kodeksiniń 481-baby boıynsha hattama toltyrylyp, materıal qalalyq mamandandyrylǵan ákimshilik sotyna joldandy. Sondaı-aq, anasy bir jyl boıy ulymen kezdese almaıdy.