Aqtóbe turǵyny Oralǵa jetkizilýi tıis úsh tonna almany satyp jibergen
ASTANA. QazAqparat - Aqtóbelik polıtseıler alaıaqtyq jasady degen kúdikpen 20 jastaǵy aqtóbelikti ustady, dep habarlaıdy «Dıapazon» oblystyń ІІD baspasóz qyzmetine silteme jasap.
Aqtóbelik habarlama saıtynda Qazaqstan boıynsha taýar tasymaldaýmen aınalysatyndyǵyn jarııalaǵan. Kóp keshikpeı 36 jastaǵy saryaǵashtyq klıent tabylyp, ol jigitke Túrkistannan Oralǵa 3 tonna almany jetkizý uajettigin aıtady.
Aqtóbelik júkti alyp ketip, ony Aqtóbe qalasynda satyp jibergen. Jemistiń satylymynan 765 myń teńge paıda kóredi.
Almanyń aldanǵan ıesi polıtsııaǵa shaǵymdanady. Kóp uzamaı qaskúnem tabylyp, ustaldy. Ol óz kinásin moıyndady, qazir onyń ústinen «alaıaqtyq» baby boıynsha is qozǵalýda.
